Edmond                             

   Par ichi, tout l’monde a bin connu Edmond Tanière
   et pis sin tchiot bistrot qu’ i avot arpri à Fouquières
 Dins sin tchiot café, tous les jours, avec s’n’ accordéon
     i faisot guincher tout ches gins, files et garchons


Mais ch’est terripe quand même qu’un si brafe mineur
 Aimé d’ tertous, périsse comme li su sin cyclomoteur
J’sus sûr que gramint de chtimis aimerotent qu’Edmond
 Arvienche parmi eusse pour canter ses bielles canchons

  Tout in haut de ch' terril et même d’sous not’ciel gris
  Fouquiéres ainsi que tous les chtis pins’tent incore à ti
 Je n’sais pas Edmond si t’n’accordéon i fais core dinser
    Mais nous autes, à ti in’cessera jamais d’pinser

     les anches de ch’paradis is sont bin bénaches
      d’t’avoir avec eux jusqu’à l’fin des aches
      tous les jours pour eux cha dot ête la fête
     d’t’acouter juer et canter des airs d’musette
                                                                                     retour liste            suivant