FIER D’ETRE UN CH’TI

 
Mi j’ai gramint voyagé
d'gauche à droite d'tous côtés
Et même jusqu'à à l’étringer
Mais in a biau tournicoter
Y a eune chosse qu’in oublie jamais
Ch’est l’indrot du qu’in est né
Ch’est l’pus biau d'tous les pays
Et mi j’sus fier d’être un ch'ti
Intre ches corons et ches terrils
Ch’est dins ch’coin là qu’j’ai grandi
In avot pas gramint d’sou à m’maison
Mais s’qu’in avot in l’avot gagné
In avot pas p’t’ête pas des millions
Mais au moins in avot not’fierté
A ch’t’époque là in avot tertous du boulot
Et l'chomache personne i n’in voulot
In armontot ses manches d'quémiches
In laissot pas ch’gardin in friche
Et si in connaissot un malheureux
In ne l’laissot jamais tout seu
Y avot toudis un reste d'ragout pour li
Eune tasse d'café ou un bon demi
Eune plache au coin de ch’feu
Quand y n’avot pour un n’avot pour deux
A ch’t’heure si tout i a cangé
Y a eune chosse que j’sais
Ch’est qu’un ch’ti i cange pas si ch’t'un vrai
Dins sin cœur y a eune flamme qui s’éteindra jamais 
                                                                                            retour liste                                                       suivant