L SURBOUM A HENIN

l'diminche à l'salle des fêtes
y avot toudis eune surboum
in n'restot pas à l' buvette
in dragot les guernoules


in attindot l'momint des slows
in arfaisot bien ses caveux
pour dire d'être fins biaux
enfin in faisot d'not'mieux

quand in in trouvot eune tchiote
qui avec nous voulot bien danser
que dins nos bras in l'sintot caute
in in profitot pour y voler un baiser

quand l'surboum alle étot finie
in s'in allot à ch'colysée
eune sorte d'boite d'nuit
qu'y avot dins l'rue à côté

quand in rintrot s'couquer
in étot fier et bien contint
d'avoir qu'in allot artrouver
s'guernoule diminche prochain

                                                                                 retour liste                                   suivant