A L'PEQUE


      Etant tchiots mi pis min frère
     in allot à l'pêque avec min père
       dins ch'marais ed Plouvain.
     In partot d' bonne heure l'matin
     avant min père i buvot s'bistoule
      in nous racontant des cacoules
       qu'i arvenot jamais bredoule
        mais cha ch'étot des coules
     si ch'pichon i voulot pas morte
        te pouvos sauter à l'corte
  n'impêche qu'i avot bin du courache
  d' nous immener du coté d' Biaches
  pasqu'in arrêtot pas d' touiller nos lignes
quand y avot trop d' noeuds in y faisot signe
   i passot gramint pus d' temps à détouiller
      qu'à jechter d'l' amorce ou à pêquer
          cha fait rien l' soir in rétrot
     tout fiers avec deux ou tros percots
  in disant qu’in fera miux l' prochain cop
                                                                        retour liste         suivant