A m'mason à tape

 
                 Quand j’étot tchiot à not’ maison
                 Quand min père i touchot s’pinsion
                 M’mère alle acatot un gros rosbif
                 Pour deux jours à n’ in mette dins s’guiffe  

                 Malheureusemint alle vraimint avot trop quer cha
                 Alle le finichot par nuit et nous in faisot bajda                                                                               
                 L’lendemain in mingeot des oeufs et pis frites
                 Pour nous aut’ l’rosbif chétot pas eune réussite  


                 Quand min pére i allot à l’pêque
                 In mingeot des pâtes, tout in plat
                 Mais quand i étot là, in étot d’lèque
                 Car li i n’avot pas du tout quer cha  

                 Faut dire qu’i n’avot pas gramint d’appétit
                 I avot quer d’ bidet qu’un tchiot biftek
                 Avec des frites, pas pus qu’ six ou huit
                 Pasque si i n’avot d’puss ..berk !

                 Aujourd’hui quand j’minge
                 du rosbif ou bin des frites
                 l'seule chosse qui m’déringe
                 ch'est d’pinser qu’elle et pis li
                 is n’sont pus là pour minger avec mi
                                                                                                                   
                                                                                                               

                                                                                                              retour liste                          suivant