CH’GLANEUX D’PATATES

Quand ch’sincier i mettot sin drapeau
Bien intiqué au bord de ch’camp
Cha voulot dire qu’nous in pouvot
Glaner les pemmetieres d’restant

Aussi dès qu’in veyot flotter ch’drapeau
Avec nos sacs nos hoettes ou nos grohés
Bin vite in s’dépéchot de s' frucher
Dins ch’coin qui nous sonnot l’pus biau

In arot dit comme dins l’ruée vers l’or
Ch’étot à ch’ti qui arot l’meilleur filon
Et si in n’in trouvot un bon alors
In rimplichot tout nos sacs à fond

L’soir in rintros tout fourbu
Avec note gros sac d’patates
In disant qu’in étot réhu
M’mère alle disot min pirate

Avec cha j’vas t’faire eune bonne purée
Avec eune saucisse et gramint d’sauce
Que te vas pouvoir t’in pourléquer
In attindant qu’tin père y rinte de l’fosse
                                                                                                                                                                     retour liste         suivant