DINS L’NEICHE

l'neiche alle quait arcouvant l'tierre
comme si alle voulot cacher l'misère
mais t'as bieau tout arpeinde in blanc
in d'sous cha n'sera mi neuf pour autant


même dins ch'biau décor immaculé
tous ches mineurs s'in vont ouvrer
sur l'route d'frod is vont tranner
mais dins l'fond is vont s'récauffer

pour gagner d'quo nourrir leux infants
is n'ont pas l'drot d'ête des fainéants
et comme avant eux l'ont fait leux pères
is vont dequinte pour gagner eune misère


l'poste fini quand is vont rintrer
leur femme aura préparé ch'baquet
avec de l'iau qu'alle ara fait cauffer
et eune fos qu'is seront bin décrassés

alors is pourront un peu s'arposer
au coin de ch'feu boire un café
et d'main qui neiche ou qui vinte
is arprindront l'quémin de l'déquinte
                                                                                retour liste                    suivant