Galibot  (à min camarate Maurice)

Noir terril limite de m'n'horizon
noir terril limite de m'n'imbition
tchiot fieu et fieu d' mineur
je prindrai l' quémin du labeur


J'ai eu hier mes quatorse ans
ch'est fini les jupons de m'man
d'main j'déquindrai au fond
comme l'z'autes armonter du carbon

J'aros bin voulu ête docteur
avocat ou bin instituteur
mais les étutes cha coute
mi fallot que j'gagne m'croute

Et quand min père silicosé
trop usé n'pourra pu ouvrer
cha sera min tour d'nourrir
tout l’famille et de l'chérir

Ch'est un dur métier mineur
mais in est fier d'sin labeur
in armonte tout noir d'carbon
mais in marche in levant sin front

In rinte sans baisser les yux
même si ailleurs y a miux
comme min père et min taïon
contints d'amonter du fond
                                                         retour liste        suivant