j'ai rêvé

Ch'te nuit j'ai fait un drôle d'rêfe
j'ai rêvé que j'volos là bas tout in haut
au d'sus d'ches terrils dù que l’solel i s'lèfe
j'étos tout bonnemint devenu un osieau !

In passant par au d'sus d'min coron
j'ai bin arconnu m'tchiote mason
in rase motte j'ai plané sur min gardin
j'ai vu min père et à côté sin quien

J’ai fait aller mes ailes j'sus armonté
presque jusqu'à ches nuaches éffilochés
et là je m'sus dit que vraimint min pays
cha sera toudis l'pus biau pour mi

Avec tous ses camps d'blé ou d'colza
ses camps d'bettrafes d'maïs d’soja
et comme pour arsanner un peu à l'Egypte
y a des terrils in guisse d'pyramites

ch'est sûr pour mi sur tierre y a pas miux
ch'est min coin mes racines alles sont là
et pus tard quand j'arai fini d'ête viux
ch'est suremint ichi qu'in m'interrera
                                                                    retour liste             suivant