L’ARNU

Cha comminche par eune caleur étouffante
Ches gins comme ches biêtes sont énervées
In dirot qu'in va tertous s'étoquer
L’vint i s'léfe, ches arpes is cantent

Un éclair qui pète comme un cop d'canon
Pis eune drache à rimplir tous ches caudrons
Cha délafe tout, l'iau déborde d'ches gulots
Cha gicle de ch'l'hochère pleine d' tros

o
L’ciel i devient noir comme du carbon
In allume l'leumière dins nos masons
Après eune heure d'barouf infernal
L’calme i arvient avec un solel pâle

dins ch'gardin i monte eune odeur
douceureusse de l'tierre mouillée
Accompagnée du parfum d'ches fleurs,
De l'hierpe que l'pleufe a arrosée

L’air i est ardevenu plus respirape
Par indrot l'iau a formé des nappes
sur ches haillures in vot des escargots
Des viers d'tierre sortent d'leur tro

L’sol i finque , avec l'solel arvenu,
In est bin jusqu'à ch'prochain arnu
In a pas besoin d'arroser sin courtil
Avec c'qui a queu aujourd'hui cha suffit
                                                                    r retour liste           suivant s