L'Frod d'l'Hiver

dins ch'grind frod d' l'hiver
d'ches quéminées sort de l'finquère
qui flotte au d'zeur d'ches corons
popageant eune odeur d' carbon


dins ches rues y a des gins qui grèl'tent
in vous veyant passer is vous appel'tent
réclam'tent eune tchiote pièche pour minger
in tindant leux mains dins un vieux gant troé

quand l'nuit est in train d'caire
pour eux y ara pas d'finquère
tout juste un morciau d'carton
comme matelas, comme édredon


pourtant dins l’rue d’à côté
y a des masons abindonnées
mais les ferniêtes sont murées
et ches portes framées à clef

alles sont promisses à l'démolition
pas question d'in faire profiter
ches malheureux in train d'grèler
y a vraimint pus d'compassion

ch'l'Abbé Pierre i est parti
ches bonnes consciences avec li
avant d' s'occuper d'l'étranger
d'vant nos portes i faudrot balayer

                                                        retour liste                          suivant