L’ PREMIER MAI

        L'vla arrivé l'premier mai
        ch'est l'temps du muguet
        ch'est l'temps des défilés
       d'chés ouvriers sur ch'pavé

      Après is iront dins ches bos
   avec leux femmes leux marmots
    cacher ches tchiotes cloquettes
    au doux parfum qui les intête

     sous ches arpes si i fait biau
    is pourront minger un morciau
    assis dins l'hierpe bin installés
   feront un pique-nique improvisé

  Ches gosses is jueront à Tarzan
  pindant que leux papa et maman
    feront eune sieste bin méritée
  ch'est vraimint bin l'premier mai
                                                            retour liste                 suivant