L'VEUFE

    Avec eune racourche et eune gayette
      un bout d'papier et des équettes
         alle ralleume sin fourneau
        pour récauffer s'vielle piau



      Depuis qu'sin vieux i est parti
    vire si y'avot des fosses au paradis
      alle s'innuie et alle a toudis frod
   alle a même pus l'gout d'finir sin tricot

 Alle troufe ches jours gramint plus longs
    alle n' vot pus souvint sin garchon
       li aussi a ch't'heure i est parti
      i a trouver d'l'ouvrache à Paris

     Alle tijonne ch'fu pour l'raviver
        et rajoute un séau d'carbon
          in arserrant sin vieux gilet
    alle vient d'avoir un tchiot frisson

         Alle s'assit dins sin canapé
      et récauffée alle frame ses yeux
     et derrière ses paupières framées
     d'un cop alle arvot sin bon vieux

    Alors comme un bonheur artrouvé
      alle le sint comme à côté d'elle
        alle le cajole et l'y promet
         d'bétôt l'arjoinde au ciel
                                                            retour liste               suivant