M’ TCHIOTE FLEUR
dins un coin d'min courtil
juste au mitan d'ches orties
y'avot eune tchiote fleur bleue
langreusse alle s'mourot peu à peu
avec m'n'hoette j'l’ai décafottée
in grattant tout duchemint l'tierre
pour à sin pied y donner d’l’air
et versé de l'iau pour l'abreuver
j'sus arvenu tous les jours
pour y donner tout m'n'amour
l'tchiote fleur s'est ardréchée
ch'est devenue eune vraie biauté
alle a rayonné pindant tout l'été
ch'étot l'reine d'min gardin
mais quand l'automne i est arrivé
m'tchiote fleur est morte au matin
je n'ai eu bin du chagrin
même si poutant j'savos bin
qu'ichi bas rin n'est éternel
pour mi ch'étot l'pus belle
vous allez m’prinde pour un sot
pour s’amouracher d’eune fleur
qui pousse même pas dins in pot
mais alle avot touché min coeur
retour liste suivant
