Min Cousin ch'l'Américain

Min père m'as toudis dit
qu'j'avos des cousins
qui vivotent pas ichi
qui étotent américains

Mais cha qu'in savot pas
à Chateauroux in ch'temps là
y'avot eune base d'américains
et parmi eux un d'nos cousins

i s'est pointé un après midi
in disant j'm'appelle comme ti
min père i étot tout bénache
d'vir sin cousin d' passache

i avot améné eune boutelle d' wiskie
qui venot tout drot d'sin bieau pays
et min père i n'avot tellemint bu
i avot eune dache à caire sur l'cul

i est arvenu deux semaines pus tard
ch'étot pour nous dire au revoir
i devot arpartir in Pennsylvanie
et in a pus eu d'nouvelle d'li
                                                        retour liste       suivant