MINEUR SANS MINE

Cha y est m'fosse alle est framée
vingt ans que j'déquindos au fond
vingt ans d'poufinque à respirer
à n'in rimplir mes paufes poumons

f
Si j'peux pus mette m'barrette
quo que j'vas mette sur m'tiête
et si j'peux pus aller dins l'talle
quo que j'vas faire comme traval

Quand j'passe d'vant sin carreau
d'savoir qu'j'irai pus din ch'tro
dins min coeur j'sins un grand frod
cha m'rind trisse cha m'fait d'mau

Même si j'sais qu'j'ai de l'silicosse
mi j'avos quer ouvrer à l'fosse
quand j'armontos j'étos noir d'carbon
mais j'étos avec mes camarates au fond  

Des fos in partageot note tchiot briquet
des tartines d'fromache ou bin d'pâté
ch'étot bin comme si ch'étot un banquet
ch'étot des tchiots momints privilégiés

J'sus core trop jone pour prinde m'pinsion
pour tout laicher, m'occuper d'mes coulons
mais ils veul'tent pas non pus d'mi à l'usine
quo que j'vas pouvoir faire si y a pus d'mine

I est pas question d'm'inscrire au chomache
mi tout cha que j'veux ch'est d'l'ouvrache
j'sus pas core prêt pour faire l'mindicité
alors si y a pus moyen j'préfère core crever.

Qui sait p’t ête qu’ dins un coin du paradis
y arot un tro d’ fosse qui n’attindrot qu’mi
pour rimplir des pleins barrous d’carbon
qu’in inverrot in infer pour cauffer ch’démon
                                                                        r retour liste       suivant s