LE PETIT PRINCE
                       CHAPITRE 22


-       Bonjour, dit ch’tchiot prince.
-       Bonjour, dit ch’l’aiguilleux.
-       Quo qu’ch’est qu’te fais ichi ? dit ch’tchiot prince.
-       J’trie ches voyageurs, par paquets d’mille, dit ch’l’aiguilleux. J’expédie ches trains qui les importent, un cop vers la droite, un cop vers la gauche.
Et un rapite illuminé, grondant comme ch’tonnerre, fit tranner l’cabine d’aiguillache.

-       Is sont bin pressés, dit ch’tchiot prince. Quo qui cach’tent ?
-       Ch’l’homme de l’locomotife l’ignore li même, dit ch’l’aiguilleux.

Et gronda, dins l’sens inverse, un second rapite.Is arvienn’tent déjà ? dit ch’tchiot prince…

-       Ch’est pas les mêmes, dit ch’l’aiguilleux. Ch’t’un écanche.
-       Is étotent pas contints dù qu’ is étotent ?
-       In est jamais contint là du qu’in est, dit ch’l’aiguilleux.

Et gronda ch’tonnerre d’un trosième rapite illuminé.

-       Is poursuitent ches premiers voyageurs ? deminda ch’tchiot prince.
-       Is poursuitent rin du tout, dit ch’l’aiguilleux. Is dort’ent là d’dins, o bin is baill’tent. Ches infants seu écras’tent leux nez sur ches carreaux.
-       Ches infants seu sav’tent ch'qui cach’tent, fit ch’tchiot prince. Is pertent du temps pour eune poupée d’chiffons, et alle devient très importante, et si in leur inlèfe, is braitent…
-       is ont de l’chance, dit ch’l’aiguilleux

                                                                        retour sommaire                 suivant