CH’TERRIL VERT

 à coté de m'mason y avot un motié d'ancien terril arcouvert
  d'ronces,d'hierpe ch’étot not' coin in l'appelot ch'terril vert.
     que d'z'heures in a passé à juer aux soldats à la guerre
      aux cowboys aux indiens ou aux cascadeurs d'l'infer


  in déquindot l'pente à toutes berzingues sur nos vélos
   in atterrichot dins ch'camps in bas pis in armontot
    in construisot des cabanes avec des bouts d'bos
   in s’y muchot pour finquer des P4 quand in n'avot

       après in machot des chickleys à l'minthe
      pour dire ed'camoufler l'odeur de ch'toubac
        pasqu'y fallot pas que m'mère al le sinte
       in arot pris eune bonnes paire ed'claques

         à ch't'heure que j'sus devenu grand
         cha m'dis pus rien du tout d'finquer
       j'trouveros même cha plutôt dégoutant
          même chelles qui z'ont bouts dorés.
                                                                        retour liste           suivant