L’ARONNE

           y a eune aronne qui a fait s'n'arnitoile dins min gardin
                alle a pris tout sin temps et alle a fait cha bien
           intre eune branque d'murelle et eune branque d'pione
              alle a tissé tout duchemint un nid pour ses jones

             alle espère attraper gramint d'tchiotes mouques
          pour pouvoir nourrir toutes chés nouvelles bouques
                au matin s'n'arnitoile alle étot pleine d'rosée
               et cha fait comme des tchiotes perles infilées

                 aussitôt que dins l'ciel ch'solèle i est levé
                 l'arone arrête d'bouger alle reste muchée
               d'peur qu'un mouviar il mette à sin déjeuner
                alle sait bin qui n'in ferot qu'eune bouchée

                  alle va attinde et quand l'été sera fini
                 et que ses tchiots jones is aront grandi
                   à leu tour is tisseront eune arnitoile
                    qui ara toudis l'forme d'eune étoile
                                                            retour liste               suivant