L' CABANE AU FOND DU GARDIN

eune tchiote cabane in planques
dins ch'gardin sous ches branques
sur l'porte au milieu bin déssiné
un tro in forme d'coeur décopé


quand te t'approches t'indinds
des tas d'mouques boudonner
cha dot ête l'odeur du brin
qui suremint les ara attirées

quand t'eufes l'porte te vos
accrochés à ch'mur sur un clo
des morciaux d'journal
copés tertous à l'même talle

cha fait passer l'temps d'lire
ches artiques qu'in a déjà lus
ch'est après qu'in va s'in servir
pour s'essuyer, ch'est pas perdu

quand i fait bon qu'ch'est l'été
in a pas d'problème pour y aller
mais quand i gèle, dins l'frodure
t'as du ma à inlever t'cheinture

t'y vas vraimint par nécessité
pasque te préfèreros t'in passer
mais cha ch'est comme décéder
quand faut y aller faut y aller
                                                  retour liste                     suivant