LE PETIT PRINCE

                                            CHAPITRE 11

            L’seconde planète étot habitée par un vaniteux :

                                                                                                         

-       Ah ! Ah ! Vla l’visite d’un admirateur ! s’écria d’long ch’vaniteux dès qu’i aperchut ch’tchiot prince.
            Car, pour ches vaniteux, les autes hommes sont d’z’admirateurs.
-       Bonjour, dit ch’tchiot prince. Vous avez un drôle d’capiau.
-       Ch’est pour saluer, li répondit ch’vaniteux. Ch’est pour saluer quand in m’acclame. Malheureusemint i passe jamais personne par ichi.
-       Ah ouais ? dit ch’tchiot prince qui n’avot pas compris.
-       Tape tes mains l’eune conte l’aute. Ch’vaniteux salua modestemint in soulevant sin capiau.
-       Cha ch’est plus amusant que l’visite à ch’ro, s’dit in li-même ch’tchiot prince. Et i arcommincha d’taper ses mains l’eune conte l’aute.
Ch’vaniteux arcommincha d’saluer in soulevant sin capiau.
            Après chinq minutes d’exercices ch’tchiot prince s’fatigua de l’monotonie de ch’ju :
-       Et, pour que ch’capiau i quait, deminda-t-il, quo qu’ch’est qui faut faire ?
            Mais ch’vaniteux n’l’intindit pas. Ches vaniteux n’intintent jamais qu’ches louanches.
-       Est-ce que te m’admires vraimint gramint ? deminda-t-i à ch’tchiot prince.
-       Qu’est-ce que cha signifie admirer ?
-       Admirer cha signifie arconnaite que j’sus l’homme l’pus biau, l’miux harnéqué, l’pus riche et l’pus intelligent de l’planète.
-       Mais t’es tout seu sur t’planète !
-       Fais me ch’plaisir. Admire me quand même !
-       J’t’admire, dit ch’tchiot prince, in haussant un peu ses épaules, mais in quo cha peut bin t’intéresser ?
                        Et ch’tchiot prince s’in fut.
                        Ches grindes personnes sont décidémint bin bizarres, s’dit-i simplemint in li-même durant sin voyache.  

                                                                                                             retour sommaire                 suivant