LE PETIT PRINCE

                 CHAPITRE 12

                                                                                       

            L’planète suivante étot habitée par un buveux. Ch’te visite fut très courte, mais alle plongea ch’tchiot prince dins eune grinde mélincolie :

                                                                      
-       Quo qu’ch’est qu’te fais là ? dit-il à ch’buveux, qu’i trouva installé in silence devint eune collection d’ boutelles vites et eune collection d’ boutelles pleines.

-       J’ bos, répondit ch’buveux, d’un air lugube.

-       Pourquo qu’te bos ? li deminda ch’tchiot prince.

-       Pour oublier, répondit ch’buveux.

-       Pour oublier quo ? s’inquit ch’tchiot prince qui déjà l’plaignot.

-       pour oublier qu’ j’ai honte, avoua ch’ buveux in baissant ch’tiête.

-       Honte d’quo ? s’informa ch’tchiot prince qui désirot l’ secourir.

-       Honte d’boire ! acheva ch’buveux qui s’inframa définitivemint dins l’silence.

 Et ch’tchiot prince s’in fut, perplexe .

Ches grindes personnes sont décidémint très très bizarres, s’disot-i in li-même durant ch’voyache.
                                                                        retour sommaire     suivant