LE PETIT PRINCE                      
                                         CHAPITRE 19

            Ch’tchiot prince fit ch’l’ascinsion d’eune haute montane. Les seules montanes qu’i a jamais connues ch’étot ches tros volcans qui y arrivotent au genou.
Et i s’ servot de ch’volcan éteint comme d’un tabouret. D’eune montane haute comme chelle-chi, s’dit-ii donc, j’aperchevro d’un cop toute l’planète et ches hommes…Mais i n’aperchut rin que des aiguilles d’roc bin aiguisées.

                                                                                                                                                                              

-       Bonjour, dit-i à tout hasard.
-       Bonjour… Bonjour… Bonjour… répondit ch’l’écho.
-       Qui qu’ch’est qu’vous êtes ? dit ch’tchiot prince
-       Qui qu’ch’est qu’vous êtes… Qui qu’ch’est qu’vous êtes… Qui qu’ch’est qu’vous êtes…répondit ch’l’écho.
-       Seuchez mes amis, j’sus seu, dit-i
-       J’sus seu… J’sus seu… J’sus seu… répondit ch’l’écho.

Que drôle d’planète ! pinsa-t-i. Alle est toute sec, et toute pointue et toute salée. Et ches hommes minqu’tent d’imagination. is répètent cha qu’in leur dit…Chez mi j’avos eune fleur : Alle parlot toudis l’première…

                                                                        retour sommaire            suivant