(j’dessinerai pas m’n’avion, ch’est un dessin gramint trop compliqué pour mi) I m’demanda :
- Quo qu’ch’est que l’séquo là ?
- Ch’est pas eune séquo. Cha vole. Ch’est un avion. Ch’est m’n’avion !
Et j’étos fier d’ y apprinde que j’volos. Alors i s’écria :
- Commint ! t’es quéhu du ciel ?
- Ouais, fis je modestemint.
- Ah ! ch’est drôle !..
Et ch’tchiot prince eut un très joli èclat d’rire qui m’irrita gramint.
J’désire qu’in prinche mes malheurs au sérieux. Pis i ajouta :
- Alors, ti aussi te viens du ciel ! d’quelle planète qu’t’es ?
J’intrevis aussitôt eune lueur, dins l’mystère de s’présence, et j’interrogeos brusquemint :
- Te viens donc d’eune aute planète ?
Mais i n’répondit pas. I hochot s’tiête duchemint tout in ravisant m’n’avion :
- Ch’est vrai que, la dessus, te n’peux pas venir d’bin long !
Et i s’infonça dins eune rêverie qui dura longtimps. Pis, sortant min mouton de s’poque, i s’plongea dins l’contimplation d’ sin trésor.
Vous imaginez combin j’avos pu ête intrigué par ch’te demi confidence sur « ches autes planètes ». J’m'efforchos donc d’in savoir pus long :
- d’dù qu’te viens min tchiot bonhomme ? dù qu’ch’est « chez ti ? »
- Dù qu’ch’est que te veux importer min mouton ?
I m’répondit après un silence méditatif :
- Ch’qui est bien, avec l’caisse que te m’as donnée , ch’est que, par nuit, cha li servira d’mason !
- Bin sûr. Et si t’es gentil, j’te donnerai aussi eune corte pour l’attaquer dins l’journée et un piquet. L’proposition parut choquer ch’tchiot prince :
- L’attaquer ? que drôle d’idée !
- Mais si te l’attaques pas, i ira n’importe dù, et i s’perdra !
Et min ami eut un nouvieau éclat d’rire :
- Mais dù qu’ch’est qu’te veux qu’y alle ?
- N’importe dù. Drot devint li…
Alors ch’tchiot prince armarqua gravemint :
- Cha n’fait rin, ch’est tellemint tchiot, chez mi !
Et, avec un peu d’mélincolie, peut ête, i ajouta :
- Drot devint li in n’peut pas aller bin long….
