LE PETIT PRINCE

                         retour sommaire          CHAPITRE 6

           Ah ! tchiot prince, j’ai compris, peu à peu, ainsi, t’tchiote vie mélincolique. T’avos eu longtimps pou distraction que l’doucheur des couquers d’solel. J’ai appris ch’détal nouviau, l’quatrième jour au matin, qu'en te m’as dit :

-       J’ai quer ches couquers d’solel. Allons vir un couquer d’solel…

-       Mais y faut attinte…

-       Attinte quo ?

-       Attinde que ch’solel i s’couque.

         T’as eu l’air très surpris d’abord, et pis t’as ri d’ti même. Et te m’as dit :

-       Je m’cros toudis chez mi !

         In effet. Quand i est midi aux états-unis, l’solel, tout l’monte l’sait, i s’couque sur la France. I suffisot d’ pouvoir aller in France

in eune minute pour assister à ch’couquer d’solel. Malheureusemint la France est bin trop élognée. Mais, sur t’si tchiote planète, i t’suffirot d’tirer t’cayelle d’queques pas. Et te raviseros ch’crépuscule chaque fos que te l’désireros.

-       Un jour, j’ai vu l’solel s’couquer quarante tros fos !

         Et un peu pus tard t’ajoutos :

-       Te sais…quand in est tellemint trisse in a quer les couquers d’solel…

-       L’jour des quarante tros fos t’étos donc tellemint trisse ?

Mais ch’tchiot prince n’répondit pas.

                                                                                                   retour sommaire    suivant