LE PETIT PRINCE
                      CHAPITRE 8

            J’appris bin vite à miux connaîte ch’te fleur. Y avot toudis eu, sur l’planète de ch’tchiot prince, des fleurs très simpes, ornées d’un seul ring d’pétales, et qui n’tenotent pas d’plache, et qui n’déringeotent personne.
Alles apparaichotent un matin dins l’hierpe, et pis alles s’éteignotent l’soir. Mais chelle là avot germé un jour, d’eune graine apportée d’in n’sait dù, et ch’tchiot prince avot surqué d’très près ch’te brindile.
Cha pouvot ête un nouviau genre d’ baobape. Mais ch’l’arbuste cessa vite d’croîte, et commincha d’ préparer eune fleur. Ch’tchiot prince, qui assistot à ch’l’installation d’un bouton énorme, sintot bin qu’i in sortirot eune apparition miraculeusse,
mais chelle fleur n’in finichot pas de s’préparer à ête bielle,à l’abri de s’champe verte. alle cujissot avec soin ses couleurs. Alle s’arnéquot lintemint, alle ajustot un à un ses pétales. alle voulot pas sortir toute fripée comme ches coquelicots.
Alle voulot  apparaîte foque dins l’rayonnemint de s’biauté. Eh ! ouais. Alle étot très coquette ! S’toilette mystérieusse avot donc duré des jours et des jours. Et pis vla chi qu’un matin, justemint à l’heure de ch’ lever d’ solel, alle s’a moutrée.

     
                   


                                            

            Et elle, qui avot ouvré avec tant d’précision, dit in bâillant :

-       Ah ! je m’révelle à peine…j’vous deminde pardon…j’sus incore toute decuffée….

            Ch’tchiot prince, alors, n’put contenir s’n’admiration :

-       Que vous êtes bielle !

-       N’est-ce pas, répondit duchemint l’ fleur. ET j’sus née in même timps que ch’solel…

           Ch’tchiot prince devina bin qu’alle étot pas trop modesse, mais alle étot si émouvante !

-       Ch’est l’heure, j’cros, de ch’tchiot déjeuner, avot-elle bintôt  ajouté, arotes-vous l’bonté d’pinser à mi…

            Et ch’tchiot prince, tout confus, ayant été quère un arrosoir d’iau fraîque, avot servi l’fleur.


 

                                                              

 

 

            Ainsin l’avot-elle bin vite tourminté par s’vanité un peu ombrageusse. Un jour , par exempe, parlant d’ses quate épines, alle avot dit à ch’tchiot prince :

-       Is peutent v’nir, ches tigues, avec leux griffes !

 
                
                               



-       Y a mi d’tigues sur m’planète, avot objecté ch’tchiot prince, et pis ches tigues is ming’tent pas l’hierpe.

-       J’sus mi eune herpe, avot duchemint répondu l’fleur.

-       Pardonnez-me…

-       Je n’crains pas ches tigues, mais j’ai horreur d’ ches courants d’air. Vous n’arotes pas un paravint ?

     
                                                         




            Horreur d’ches courants d’air… ch’est pas d’chance, pour eune plante, avot armarqué ch’tchiot prince. Ch’te fleur alle est bin compliquée…
-       L’soir vous m’mettrez sous globe. I fait frod chez vous. Ch’est mal installé. Là d’dù que j’viens…
            Mais alle s’étot interrompue. Alle étot venue sous forme d’graine. Alle n’avot rin pu connaîte des autes montes. Humillée d’s’ête laichée surprinde à préparer une mintirie aussi naïfe, alle avot toussé deux ou  tros cops,
pour mette ch’tchiot prince dins sin tort :

-       Ch’paravint ?...

-       J’allos l’quère mais vous m’parlotes !
          Alors alle avot forché s’toux pour y infligé quand même des armords.
Ainsi ch’tchiot prince, malgré l’bonne volonté de s’n’amour, avot vite douté d’elle. I avot pris au sérieux des mots sans importance, et étot devenu très malheureux.
-       j’aros pas du l’acouter, m’confia-t-i, un jour, i n’faut jamais acouter ches fleurs. i faut les raviser et les respirer.   L’mienne imbaumot m’planète mais je n’savos pas m’in réjouir. Ch’t’histoire d’griffes, qui m’avot tellemint agacé, arot du m’attindrir…
         I m’ confia incore :
-       J’ai rin su alors comprinde ! J’aros du l’juger sur ses actes et non sur ches mots. Alle m’imbaumot et m’éclairot. j’aros jamais du m’infuir ! J’aros du deviné s’tindresse derrière ses paufes russes. Ches fleurs sont si contadictoires ! Mais j’étos trop jones pour savoir l’avoir quer.
                                                                        retour sommaire      suivant